Klubi i Astronomisë Astronomy Outreach of Kosovo shënoi përvjetorin e dytë të themelimit me 7 Janar 2017, cili është duke rrugëtuar drejt shtigjeve të gjata të eksplorimit të hapësirës. Tani më, klubi ka vënë një bazament të fuqishëm në fushën e astronomisë, duke bashkpunuar ngushtë, me klube, organizata si dhe astronomë të njohur ndërkombëtarisht.
Gjatë ceremonisë së manifestimit, foli Kryetarja e Klubit znj. Pranvera Hyseni, e cila ofroi një pasqyrë më të qartë rreth të arriturave të klubit.
Fjalë rasti kishte edhe profesori i Astronomisë dhe Fizikës z. Milaim Rushiti, i cili foli kryesisht se si qëndron Astronomia në institucionet tona shkollore gjatë dekadës së fundit dhe cilat probleme përcjellin implementimin e lëndës së astronomisë në shkollat e mesme.
Më pas, sekretari i klubit z. Faton Hetemaj theksoi disa nga aktivitetet më të suksesshme që klubi kishte realizuar pergjatë vitit të fundit.
Fjalë rasti dha edhe Prof. Dr. Shukri Klinaku, i cili theksoi sistemin e shtrënguar të arsimit në Kosovë.
Në fund, klubi ndau Mirënjohje për antarë, të cilët kanë dhënë kontribut maksimal brenda dy viteve, si dhe Falenderime për ata që mbështetën klubin financiarisht.
You must be logged in to post a comment Login